Avtonəqliyyat  vasitəsini  kimlər  sığortalaya  bilər:

  • Avtonəqliyyat vasitəsinin sahibi

  • Yaxud  etibarnamə ilə  istismar edən şəxs

 

Sığorta məbləği:  55.000 azn

  • Əmlaka dəyən zərər – 5000 azn

  • Sağlamlığa dəyən zərər: 

  1. Bir hadisə üzrə limit – 50.000 azn

  2. Bir fiziki şəxsin sağlamlığına dəyən zərər – 5000 azn

Qeyd: Sığorta məbləği üzrə limit hadisələrin sayından asılı olmayaraq dəyişmir. Misal üçün sürücü bu gün hər hansı avtomobilə 7000 manat zərər versə sığorta şirkəti müqavilədə qeyd olunduğu kimi qarşı tərəfin əmlakına dəyən zərərin 5000 manatını ödəyir, qalan 2000 manatı isə zərər vuran özü ödəməlidir. Həmin şəxs sabah birdaha qəza törətsə eyni qaydada 5000 manata qədər sığorta şirkəti öhdəlik daşıyır.

Aşağıdakı  hallarda səlahiyyətli orqanın (YPX) verdiyi yol-nəqliyyat haqqında arayış tələb olunmaya bilər:

  • Hadisə iştirakçılarının razılığını təsdiq edən protokol sığortaçıya təqdim olunduqda

  • Hadisə ikidən artıq olmayan avtonəqliyyat vasitəsinin iştirakı ilə baş verdikdə və hər iki avtonəqliyyat vasitəsinin sahiblərinin mülki məsuliyyəti sığortalanmış olduqda

  • Hadisənin baş verməsində təqsirli olan şəxsin müəyyən edilməsi üzrə tərəflər arasında mübahisə olmadıqda

  • Hadisə nəticəsində sağlamlığa zərər dəymədikdə

  • Hadisə nəticəsində dəymiş zərərin həcminin 1000 manatdan çox olmadıqda

Şərtlərin pozulması:

  • Nəqliyyat vasitəsi sürücülük hüququ olmayan şəxsə verildikdə

  • Sürücünün sərxoş vəziyyətdə nəqliyyat vasitəsini idarə etdikdə

  • Sürücünün hadisə yerindən qaçıb getdikdə

  • Nəqliyyat vasitəsi öz təyinatı üzrə istifadə edilmədikdə ( misal: minik maşını yük maşını kimi istifadə ediləndə)

Qeyd:  Yuxarıda qeyd olunan şərtlər pozulduğu halda belə sığorta şirkəti təqsirkarın əvəzindən zərərçəkənə sığorta  ödənişi həyata keçirə bilər. Lakin həmin ödənişi təqsirkardan məhkəmə yolu ilə tələb etmək hüququna malikdir.

 


Cərimə:

İcbari Xətalar Məcəlləsinin  469-cu maddəsinə əsasən, avtomobillərin icbari  sığortası olmadıqda cərimə tətbiq edilir:

  • Fiziki şəxslər             50 AZN

  • Vəzifəli şəxslər       100 AZN

  • Hüquqi şəxslər      300 AZN

Qeyd: Cərimə tətbiq edildikdən sonra 20 gün ərzində sığorta müqaviləsi bağlanmalıdır, əks təqdirdə yenidən cərimə tətbiq ediləcək.

Email:  rashad.valiyev.s@gmail.com                               Mob: 055-725-05-15                                     Biz sosial şəbəkələrdə

  • Facebook Social Icon
  • Instagram Social Icon
  • YouTube Social  Icon